A Fundación AISGE (Artistas Intérpretes, Sociedad de Gestión de España) transformará a antiga sala Yago, en Compostela, nun centro cultural. A entidade completou a adquisición deste teatro e cine, situado no casco histórico da capital galega, por preto de 1,8 millóns de euros.
O inmoble, fechado desde 2007, transformarase nun centro cultural que, ademais de acoller a sede da AISGE en Galicia, contará con oficinas, salas de formación e espazos dedicados á creación artística en diferentes disciplinas.
A alcaldesa de Santiago, Goretti Sanmartín, recibiu este 23 de xullo a Abel Martín Villarejo, director xeral de AISGE, quen lle comunicou os planos da entidade para o espazo. O proxecto de rehabilitación do edificio correrá a cargo do arquitecto Jorge Duarte, e prevé estar finalizado para 2027.
A entidade anuncia que pretende transformar o espazo nun "punto de referencia cultural para exposicións, espectáculos, evento e actividades formativas". Logo da reforma, o antigo teatro manterá unha sala principal con arredor de 250 butacas, un novo espazo para eventos de pequeno formato, camerinos ou estancias comúns, ademais de facer adaptacións de accesibilidade.
A alcaldesa de Santiago, Goretti Sanmartín, recibiu este 23 de xullo a Abel Martín Villarejo, director xeral de AISGE, quen lle comunicou os planos da entidade para o espazo. O proxecto de rehabilitación do edificio correrá a cargo do arquitecto Jorge Duarte, e prevé estar finalizado para 2027.
A entidade anuncia que pretende transformar o espazo nun "punto de referencia cultural para exposicións, espectáculos, evento e actividades formativas". Logo da reforma, o antigo teatro manterá unha sala principal con arredor de 250 butacas, un novo espazo para eventos de pequeno formato, camerinos ou estancias comúns, ademais de facer adaptacións de accesibilidade.
