Desde comezos deste mes está a funcionar en Vigo a sala Teatro Estepario. A compañía semiprofesional do mesmo nome aproveita o espazo do antigo Teatro Arte Livre, xa fechado, para tentar o paso cara á profesionalización. Ademais de obras propias, como Teddy Bear, o espazo está a acoller concertos, representacións e obradoiros. As vindeiras propostas son unha mostra de improvisacións, o vindeiro venres 27, e as actuacións de Chumpá Teatro con Un marido de ida e volta o día 28, e mais de Pena do Equilibrio con O tiro pola culata, domingo 29.
