O Colexio de Fonseca, na Universidade de Santiago, acolle a mostra Traxes e cores de Galiza. A identidade nacional na plástica de Castelao, que reúne 50 manequíns ataviados con diferentes traxes tradicionais de liño que foron recreados a partir da obra gráfica de Castelao en óleos, acuarelas, gravados e bosquexos. Os traxes van acompañados de obxectos etnográficos que achegan contexto ademais de reproducións da obra orixinal, documentación adicional e un audiovisual. A mostra está promovida pola Asociación Etnográfica Sete espadelas, e comisariada por José Luis Rodríguez e David Quiñones. Pódese visitar no Colexio de Fonseca ata o 30 de agosto.
