Juan Carlos Rivas Fernández Xesta. Fonte: RAG
Este 25 de xuño falecía en Ourense, aos 90 anos de idade, Juan Carlos Rivas Fernández-Xesta. Membro correspondente da Real Academia Galega, Rivas foi un nome destacado da arqueoloxía e da historia galegas, participando do histórico grupo Marcelo Macías e sendo o primeiro director do Museo Municipal de Ourense.
Entre outros labores, este investigador autodidacta foi un dos fundadores do Boletín Auriense e desenvolveu diferentes investigacións sobre todo enfocadas no período romano e na nistoria da diocese ourensá. Destacan nas súas obras a monografía A Ponte Maior. La razón de ser de una ciudad: El puente romano medieval de Ourense.
O seu traballo valeulle recibir en dúas ocasións o Premio Otero Pedrayo polo seu labor na Sección de Arqueoloxía do Instituto de Estudos Galegos Padre Sarmiento e no colectivo Marcelo Macías. En 2014 foi galardoado co Premio da Cultura Galega na categoría de Patrimonio Cultural.
O seu traballo valeulle recibir en dúas ocasións o Premio Otero Pedrayo polo seu labor na Sección de Arqueoloxía do Instituto de Estudos Galegos Padre Sarmiento e no colectivo Marcelo Macías. En 2014 foi galardoado co Premio da Cultura Galega na categoría de Patrimonio Cultural.
