O tremissis Munita Gallica Pax
Finalmente celebrouse a poxa da colección numismática Orol, un dos conxuntos máis notables de moedas acuñadas en Galicia. A moeda máis cotizada da poxa, como se agardaba, foi o tremissis de ouro Munita Gallica Pax, unha moeda do século VI posiblemente vinculada aos acordos de paz entre o rei Miro de Galicia e os merovinxios da Galia, e que foi adquirida por un comprador norteamericano por 52.000 euros.As outras moedas protexidas tamén adquiriron valores elevados. Todas elas están protexidas pola incoación do expediente BIC publicado o día 24 de xuño. Iso significa que non poden ser exportadas o estranxeiro e que a Xunta podería exercer un dereito de retracto polo mesmo importe do valor acadado en poxa.
