Artistas e entidades da Mariña deciden crear accións para reivindicar Sargadelos

Diferentes colectivos e entidades vinculadas á cultura na Mariña decidiron emprender unha serie de accións para reivindicar a memoria de Isaac Díaz Pardo e da fábrica de Sargadelos, co obxectivo de "sensibilizar á poboación e a quen corresponda, o que pode supoñer a perda de actividade da fábrica sen esquecer o patrimonio artístico que atesoura". Estes colectivos reaccionan así ante as noticias aparecidas nas últimas semanas sobre as intencións do propietario do complexo. Entre as accións que queren desenvolver, queren promover a elaboración dun mural en Burela sobre Isaac Díaz Pardo. Entre as entidades promotoras están Mariña Patrimonio, A Pomba do Arco ou o Observatorio da Mariña pola Igualdade, entre moitas outras.