Doce propostas compoñen o programa do XIII Sete Falares

Espectáculos de Galiza, Bretaña, Uruguai, Euskadi, Brasil, Colombia ou Alacant artellan o programa da décima terceira edición de Sete Falares. O festival de narración oral de Pontevedra desenvólvese entre os vindeiros 8 e 15 de xuño a incorporar como novos escenarios o Paraninfo do IES Valle Inclán e os Xardíns de Marescot.

María da Pontragha (Galiza) e Bleuenn Le Friec (Bretaña), Caxoto (Galiza), Charo Pita (Galiza), Soledad Felloza (Galiza - Uruguai), Avelino González (Galiza), Iñaki Carretero (Euskadi), Léla Mayer (Brasil), Nelson Calderón (Colombia) e Raquel López (Alacant) compoñen a ducia de narradoras e narradores que fan parte da cita, na que participarán e contadas individuais, por dúos e en tríos.

Todos os espectáculos do programa serán de de balde agás o de inauguración, a cargo de María da Pontragha (Galiza) e Bleuenn Le Friec (Bretaña), e mais a gala de clausura, que desenvolverán Avelino González, Iñaki Carretero, Léla Mayer, Nelson Calderón e Raquel López.

Como en anos anteriores, o día 14 realizaranse catro sesións do Vieiro de historias por Pontevedra, que convidan a percorrer a cidade en grupos de ata 50 persoas con paradas para escoitar as propostas de Avelino González, Iñaki Carretero, Léla Mayer, Nelson Calderón, Pavís Pavós e Raquel López.