Sonia Torre, Candela López, César Silva, Marcos Vázquez e Óscar Doviso
O Ourense Film Festival renovou o seu equipo directivo. Á cabeza do equipo está o director e produtor Óscar Doviso, tamén director do festival RIP de Allariz, como director artístico, César Silva repite como asesor de programación e Marcos Vázquez, director de Cultura e Deporte da Deputación de Ourense como director técnico. Nos obxectivos do novo director está que "o OUFF chegue tamén ás novas xeracións", e para iso vaise apostar por "unha linguaxe dinámica" nas comunicacións do festival, unha "programación máis diversa que integre diferentes expresións artísticas" e continuarase incluíndo exposicións e música.
