Vinte catro creadores pasarán polas III Residencias Literarias de San Simón

Serán algo máis dunha vintena os creadores que este ano van participar na terceira edición da Residencia Literaria da Illa de San Simón. Nesta iniciativa a Xunta proporciona aos bolseiros unha estadía que ofrece unhas condicións óptimas para potenciar a súa creatividade para impulsar a creación en galego. O director xeral de Cultura, Anxo M. Lorenzo, mantivo unha xuntanza cos seleccionados nun acto que se celebrou na Cidade da Cultura de Galicia.

Os autores e autoras que participarán na edición deste ano serán: Carlos Ignacio Labraña Barrero, Branca Trigo Cabaleiro, Jorge Coira Nieto, Araceli Gonda Cabreira, Carlos Negro Romero, Francisco Javier Fernández Davila, Francisco Valeiras González, Carlos Lixo Gómez, Ramón Domínguez Veiga, Ana Belén Gutiérrez Puente, Ana María Cibeira Vázquez, Sarai Lorenzo Broullón, Clara Rodríguez Giraldez, Nuria Díaz Berride, Alba Tomé Sueiro, Eire García Cid, José Antonio Araújo Pérez, Sabela González Panizo, Sarai Villar Aira, Vicente Vázquez Vidal, Daniel Gutiérrez Toca, Elena Martí Lores, Sandra Beiro Rodríguez e Victor Cebey López.

No marco desta cita, Anxo M. Lorenzo resaltou que as 24 persoas admitidas farán a estadía na illa durante tres quendas que poderán durar como máximo unha quincena nos meses de maio, setembro e outubro. Neste senso, resaltou que os xéneros literarios elixidos polos creadores son moi diversos, xa que van desde a novela, o teatro, a poesía ou o ensaio, ata outras máis especiais como a ilustración e os guións cinematográficos. O encontro contou co testemuño de dúas autoras que participaron nesta residencia na súa pasada edición, Irene Lourido e Iria Sobrado, que durante as súas estancias remataron as súas respectivas obras unha novela e un guión cinematográfico.