Premio Talía para Morris por 1936

A Academia de Artes Escénicas de España ven de recoñecer ao actor Antonio Durán "Morris", co Premio Talía ao Mellor actor de reparto de Teatro de Texto polo seu traballo en '1936'. O intérprete dá vida a tres personaxes na montaxe do Centro Dramático Nacional en coprodución con El Terrat e Check In Producciones: o xeneral Queipo de Llano, o bispo Antonio Montero e Nicolás Franco. O actor vigués é finalista tamén nos Premios MAX por este mesmo traballo e o vindeiro 16 de xuño coñecerase se resulta premiado . A montaxe, que revisa os feitos do golpe de Estado do ano 1936 que traería a ditadura de Franco, resultou gañadora tamén do Premio a mellor espectáculo de teatro de texto. O espectáculo está actualmente en xira.