Tres novos títulos súmanse á oferta da BD de autoría galega para público infantil e xuvenil. Da man de Antela Editorial chega ás librarías en galego, español e portugués A busca de Muncho, obra debut de Tiago Delgado. Esta banda deseñada de fantasía narra as aventuras do gato protagonista na procura do seu sombreiro.
Orientada a un público a partir de 5 anos, o lanzamento conta con 60 páxinas a toda cor a achegar unha historia chea de sorpresa, amizade, enigmas e misterio na que se salienta "o valor da amizade e do compañeirismo".
Pola súa banda, Esteban Souto publica con Xerais Carrilanas bestiais. Na súa primeira obra de BD, o autor conta a competición entre dúas bandas de crianzas por ter a mellor carrilana durante unhas vacacións de verán. A obra, de 64 páxinas a cor, está orientada a público a partir de seis anos.
Finalmente, o guionista Fernando Llor continúa a súa carreira no mercado estatal con El libro endemoniado. Esta historia, ilustrada pola granadina Alicia García, conta a historia dun trío de peculiares heroes que debe cumprir unha complexa misión para manter a felicidade do reino. A obra conta con 120 páxinas a toda cor e está destinada a lectoras e lectores a partir de 12 anos.
Pola súa banda, Esteban Souto publica con Xerais Carrilanas bestiais. Na súa primeira obra de BD, o autor conta a competición entre dúas bandas de crianzas por ter a mellor carrilana durante unhas vacacións de verán. A obra, de 64 páxinas a cor, está orientada a público a partir de seis anos.
Finalmente, o guionista Fernando Llor continúa a súa carreira no mercado estatal con El libro endemoniado. Esta historia, ilustrada pola granadina Alicia García, conta a historia dun trío de peculiares heroes que debe cumprir unha complexa misión para manter a felicidade do reino. A obra conta con 120 páxinas a toda cor e está destinada a lectoras e lectores a partir de 12 anos.
