Fotograma de Filmei paxaros voando de Zeltia Outeiriño.
O novo catálogo de produción audiovisual galega presentada para público internacional Films from Galicia presenta 62 novos títulos, dos que 48 están a piques de se estrear. Trátase de 30 longametraxes de ficción, 21 documentais, 4 obras de animación e 7 formatos televisivos, das que se ofrecen datos básicos e o contacto para a súa venda e distribución. entre os filmes atópanse dous seleccionados para a sección oficial do festival de Cannas, como Sirat de Oliver Laxe, e Romería, de Carla Simón, xunto cos últimos traballos de realizadores como Noemí Chantada, Santos Díaz, Anxos Fazáns, Andrés Goteira, Ángeles Huerta, Lois Patiño, Sandra Sánchez, Ángel Santos, Diana Toucedo ou Alfonso Zarauza.
