A RAG celebra esta tarde o seu pleno para escoller presidente con Henrique Monteagudo como único candidato

O profesor da USC e anterior secretario da RAG Henrique Monteagudo será previsiblemente escollido presidente da entidade esta tarde, trala votación do pleno da institución. A candidatura de Monteagudo foi a única presentada para o proceso electivo, respaldada polos académicos Xesús Alonso Montero, Víctor F. Freixanes, Margarita Ledo, Rosario Álvarez e Antón Santamarina. De ser electo, Monteagudo exporá as liñas mestras do seu mandato e presentará os novos membros da comisión executiva da RAG.