Rescatado un novo canón de bronce do século XVI no seo de Fisterra

Técnicos da Dirección Xeral de Patrimonio en colaboración coa policía autonómica e a Armada rescataron na Punta Sardiñeiro un canón do século XVI nun estado de conservación sorprendente. Segundo a Xunta, podería corresponderse co galeón Santa María La Anunciada, parte da flota de Martín Padilla quen, ás ordes de Filipe II, planeaba acudir a Irlanda a apoiar os rebeldes irlandeses contra as tropas de Isabel I en 1596. Unha gran tempestade á altura de Fisterra provocou a perda dun significativo número de barcos na costa da morte. O canón rescatado está feito en bronce e ten dous metros de lonxitude e unha boca de 26 metros de diámetro.