Aparecen dous pecios de 1596 e dous vapores do século XIX na Ría de Corcubión

Xa se coñecen os resultados da prospección arqueolóxica da Ría de Corcubión e dos arredores do cabo Fisterra que se desenvolveron no pasado mes de xullo. A Consellaría de Cultura anunciaba esta mañá que como resultado destes traballos localizáronse os restos de dous barcos da flota de Martín Padilla, afundidos en 1596, así como dous vapores ingleses que foron a pique a finais do século XIX. Os achados comprenden a descuberta de múltiples obxectos como canóns e equipamento médico do século XVI, ou cairos de elefante e xoias que se transportaban nos vapores. Asimesmo, Cultura destacou a localización dunha áncora do tipo Almirantazgo.

Nos traballos de arqueoloxía tamén se avanzou na cartografía dos restos da corveta de 32 canóns francesa Bayonnaise afundida na praia de Langosteira, e tamén se interviu noutros catro precios xa coñecidos. Coas novas descubertas son xa seis os barcos da flota de Padilla localizados na zona.