Castelo de Doiras. Foto: Ramón Piñeiro/Wikipedia
O castelo de Doiras reabriu este domingo as súas portas para visitas, tras ser adquirido polo concello de Cervantes á súa propietaria, a Fundación Xosé Soto, por 960.000 euros. A adquisición foi posible grazas a unha axuda da Deputación de Lugo de 900.000 euros. O castelo abrirá todas as fins de semana, e a visita farase acompañada dunha guía que explicará as características da fortaleza. No verán o horario ampliarase a outros días. A provincia de Lugo xa conta con oito castelos e fortalezas visitables.
