O Galegote estaba organizado pola promotora Jack-Jack liderada por Marcos Rivas (Sala Karma), naceu en 2012 como Galegote Rock pero co paso dos anos a emerxencia de artistas de xéneros diversos que utilizaban a lingua galega fixo sacar o 'apelido', integrando todo tipo de xéneros. Segundo explica Rivas este ano non se lle puido asegurar o orzamento desde o concello a este evento que ten un custe aproximado de 35.000 euros (con IVE). Marcos explica o éxito e singularidade que este evento chegou a acadar, influíndo en que artistas locais adoptasen o uso do galego e asegura que a súa intención é "seguir traballando e loitando pola difusión da música no noso idioma". A promotora ten outros eventos moi significativos no panorama musical local e galego, como é o festival Surfing The Lérez, un evento tamén de entrada aberta no que nas últimas edicións xa se fixo oco para artistas emerxentes en lingua galega tamén. Segundo explica Rivas, este tipo de eventos con entrada de balde non són posibles para unha promotora privada sen o apoio das administracións.
