Claudio Rodríguez Fer recibe o premio Babel dunha editorial norteamericana

A editorial norteamericana Mundus Artium Press, vinculada á Universidade de Texas, concedeu o premio Babel de literatura ao poeta e crítico lugués Claudio Rodríguez Fer. O premio, de concesión anual, recoñece a "individuos que promoveron o diálogo literario entre linguas e culturas", e define a Rodríguez Fer como unha "voz destacada na avangarda literaria, e coas súas obras traducidas a varias linguas. Campión da paz e dos dereitos Humanos, Rodríguez Fer influiu o discurso literario global a través da súa poesía, actividade académica e publicacións multilingües".