Manuel López Rodríguez Foto: Facebook Editorial Medulia
O libro Vangarda ule, do autor noiés Manuel López Rodríguez resultou gañador na segunda edición do Premio de Poesía Eduardo Pondal, que convoca a editorial coruñesa Medulia. En palabras do xurado, o libro "sobresae pola vontade anovadora no discurso" no que sinalan ao uso da intertextualidade e aos contidos metaliterarios. Así mesmo destaca o xurado a capacidade do autor para lograr un discurso coherente, "sen renunciar á dualidade de amor-rabia; vida-arte". Para o xurado o resultado é un "libro de poemas que se converte en literatura dentro da literatura." A editorial publicará proximamente a obra gañadora. Manuel López Rodríguez acadou o segundo premio o pasado ano no VIII Certame de Poesía Manuel Leiras Pulpeiro.
