O ourensán Javier Rodríguez impúxose no VIII Certame de Poesía Manuel Leiras Pulpeiro que convoca o Concello de Mondoñedo. O seu poemario Citerea foi seleccionado polo xurado entre o cento de obras recibidas a concurso e reportaralle ao seu autor un premio en metálico de 1.500 euros. O xurado desta edición estivo formado por Aura Ramil, Armando Requeixo e Chema Felpeto.
O noiés Manuel López Rodríguez levou o segundo premio, dotado con 600 euros, polo libro A ferida, mentres o terceiro posto, de 300, levouno Branca Trigo con O heroe de vidro.
A entrega do premio desenvolverase o vindeiro 23 de novembro de 2019.
