O web da Real Academia Galega ten dispoñible para descarga o número 385 do Boletín da Real Academia Galega. A publicación periódica recolle contidos como as alocucións que se pronunciaron no pleno que celebrou a entidade polo Día das Letras Galegas 2024.
Canda a isto, pódense ler as contribucións que conformaron o simposio dedicado a Luísa Villalta o pasado mes de novembro, con textos de Eva Veiga, Pilar García Negro, Xosé M.ª Álvarez Cáccamo, Chus Pato, Teresa Seara ou María Xesús Nogueira entre outros.
A publicación recolle tamén as intervencións da segunda xornada Voces da narrativa que tivo como protagonista a académica de honra Nélida Piñon (1934-2022).
O Boletín inclúe ademais un estudo sobre o centenario da revista 'Ronsel' e a figura de Ángel Cerrato Álvarez asinados por Álvaro Varela e Alexandre Rodríguez Guerra, ademais dun repaso da actividade da Real Academia Galega ao longo de 2024.
A publicación recolle tamén as intervencións da segunda xornada Voces da narrativa que tivo como protagonista a académica de honra Nélida Piñon (1934-2022).
O Boletín inclúe ademais un estudo sobre o centenario da revista 'Ronsel' e a figura de Ángel Cerrato Álvarez asinados por Álvaro Varela e Alexandre Rodríguez Guerra, ademais dun repaso da actividade da Real Academia Galega ao longo de 2024.
