Deste xeito, a entidade está a dedicar a mulleres todas as entradas do Álbum de Galicia que se realizan no mes. Nesta primeira semana publicáronse xa a biografía da activista feminista Lola Arripe Dopico e mais a entrada dedicada á coordinadora Feminista Donicela a cargo de antigas membros deste movemento.
A estas sumaranse ata abril entradas dedicadas á pintora Aurichu Pereira, á actriz e cantante Mercedes Mariño González, á condensa de Barrantes, a Julia Becerra Malvar e mais Carmen López Cortón.
En paralelo, e no marco do proxecto A Saia, que se desenvolve en colaboración co ADHUC - Teoria, Gènere, Sexualitat (antes Centre Dona i Literatura) da Universitat de Barcelona, este venres 7 chegan á rete unha vintena de números de Exeria revista da Asociación Mulleres Cristiás Galegas que se publicou entre 2004 e 2016.
