Anxo Angueira. Fonte: Fundación Rosalía de Castro
Este mércores 22 de xaneiro o plenario da Fundación Rosalía de Castro reelixiu a Anxo Angueira Viturro como presidente da institución. Angueira recunca así para os vindeiros catro anos nun posto que ocupa desde 2012.
A reelección, que se deu por unanimidade e cunha soa candidatura presentada, inclúe unha directiva da que participan Ana Blanco como vicepresidenta; Xosé Carlos Beiró como secretario; Xosé García Lapido como tesoureiro; e como vogais Xosé Luís Axeitos, María López Sández e Chus Pato.
Ante a súa reelección, Angueira apuntou que "logo de renovar a Casa-Museo, o Auditorio e o Xardín, ademais de dinamizar a programación e modernizar o funcionamento da Fundación, o noso obxectivo dos vindeiros anos é potenciar a internacionalización da figura de Rosalía e acometer a reforma do antigo Centro de Estudos Rosalianos que está en situación de colapso".
Desde a súa elección, a Fundación incrementou notablemente a súa actividade, con iniciativas como o relanzamento do Día de Rosalía, a actividade Inchadiña Branca Vela, o festival Abride a Fiestra, a dixitalización e catalogación de fondos da entidade ou reformas na musealización da casa museo da autora, que pasou de 8.655 visitas ao ano a unha media de 20.000 cada doce meses.
Ante a súa reelección, Angueira apuntou que "logo de renovar a Casa-Museo, o Auditorio e o Xardín, ademais de dinamizar a programación e modernizar o funcionamento da Fundación, o noso obxectivo dos vindeiros anos é potenciar a internacionalización da figura de Rosalía e acometer a reforma do antigo Centro de Estudos Rosalianos que está en situación de colapso".
Desde a súa elección, a Fundación incrementou notablemente a súa actividade, con iniciativas como o relanzamento do Día de Rosalía, a actividade Inchadiña Branca Vela, o festival Abride a Fiestra, a dixitalización e catalogación de fondos da entidade ou reformas na musealización da casa museo da autora, que pasou de 8.655 visitas ao ano a unha media de 20.000 cada doce meses.
