O Boletín Oficial da Provincia de Pontevedra publicaba este 17 de decembro a convocatoria das dúas novas residencias artísticas que pon en marcha o Museo Provincial. Segundo indica a Deputación, esta proposta levará dous nomes emerxentes da provincia á Fondation Walter & Nicole Leblanc de Bruselas e mais ao Centro de Residencias Artísticas Matadero Madrid.
Esta proposta substitúe o certame Novos Valores, que desde 2004 galardoaba as melloras propostas emerxentes da provincia. Segundo sinalou o vicepresidente da Deputación, Rafael Domínguez, o obxectivo desta mudanza é darlle un novo pulo cunha perspectiva máis actualizada ao apoio á creación nova. "Abandonamos o formato tradicional do certame de artes plásticas para abrazar unha iniciativa máis aberta, innovadora e global, que conecta o arte coa reflexión crítica e a participación social", sinalaba.
As residencias cubrirán estadía das dúas persoas seleccionadas durante catro semanas na fundación belga e por un período de tres meses no Matadero de Madrid. Para isto contarán cuns fondos de 9.500 euros para o desenvolvemento dos proxectos, gastos de transporte e manutención ademais doutros 5.500 euros para o transporte e seguro das obras resultantes, que se poderán ver no marco da renovada Bienal de Arte Contemporánea de Pontevedra.
As residencias cubrirán estadía das dúas persoas seleccionadas durante catro semanas na fundación belga e por un período de tres meses no Matadero de Madrid. Para isto contarán cuns fondos de 9.500 euros para o desenvolvemento dos proxectos, gastos de transporte e manutención ademais doutros 5.500 euros para o transporte e seguro das obras resultantes, que se poderán ver no marco da renovada Bienal de Arte Contemporánea de Pontevedra.
