Francisca Herrera. Fonte: RAG
A Casa Charry de Oleiros acollía na tarde de este 16 de decembro a presentación de Francisca Herrera y Garrido. Obra en galego. A Real Academia Galega edita este volume no que compila a totalidade de traballo na nosa lingua da que foi a primeira muller que se incorporou a institución.
A catedrática emérita da Universidade de Vigo Camiño Noia Campos correu coa edición crítica desta obra. Canda a ela, o sobriño neto da escritora, José Leoncio Areal actuou como editor do volume e elaborou unhas notas biográficas nas que afonda na relación epistolar que a autora mantivo co ensaísta francés Philéas Lebesgue entre 1920 e 1950.
Francisca Herrera, a quen se lle dedicou o Día das Letras de 1987, está considerada a primeira narrativa da nosa literatura coa súa novela Néveda, publicada en 1920. A obra actual recolle este título canda a outras publicacións de narrativa e poesía, a incluír varios textos aínda inéditos. Designada académica de número en 1945, a autora faleceu antes de dar lectura ao discurso de ingreso na institución, dedicado a Rosalía de Castro.
