A torre de Meira. Foto: Árbore Arqueoloxía
Unha nova intervención arqueolóxica na Torre de Meira (Moaña) revelou a existencia dunha muralla que defende especificamente a torre da homenaxe desta fortaleza baixomedieval que está a ser intervida nos últimos anos. O director da intervención arqueolóxica, Benito Vilas, sinalou que a torre cingue o outeiro no que estaba asentada a torre do homenaxe, algo que non figura nas hipóteses iniciais da intervención. A estrutura defensiva foi localizada na procura da subida orixinal á torre desde o patio de armas da fortaleza, e parece estar ben conservada. A torre de Meira dispuña tamén dunha muralla perimetral que cinguía un perímetro máis amplo.
