Mosteiro de Santa Catalina de Montefaro. Foto: Oilisab / Wikipedia
A resolución das axudas do programa de competitividade e dinamización do patrimonio histórico con uso turístico, publicada polo Ministerio de Industria e Turismo, concederá 10 millóns de euros aos catro proxectos galegos que foron seleccionados, dun listado total de 89 presentados por entidades locais, deputacións e comunidades autónomas. Trátase do proxecto de "mellora patrimonial do Castelo de soutomaior a través da iluminación, a accesibilidade e tecnoloxías de realidade virtual" do castelo de Soutomaior (2.3541.1422 euros), que recibirá a Deputación de Pontevedra. A "mellora da competitividade do conxunto histórico de Pazos de Arenteiro" de Boborás (2.637.003 euros), ao proxecto do mosteiro de Santa Catalina de Montefaro (Ares), con 2.999.998 euros e por último ao "museo aberto 24/7" do xardín botánico e carballeira de Caldas de Reis, con 1.452.000 euros. As axudas, con financiamento do programa Next Generation da Unión Europea, foron concedidas por un total de 207,6 millóns de uros.
