Luís Álvarez Pousa e Xulio Lago
O CCG presentou onte pola tarde os últimos dous episodios da serie documental 'Memoria do teatro galego na Transición', que desta volta abordan por unha banda a 'institucionalización' do teatro galego, é dicir, a posta en marcha das competencias de cultura na recén nacida Xunta de Galicia e a constitución do Centro Dramático Galego, a través da testemuña dalgúns dos protagonistas deses feitos históricos. O último episodio dedícase á presenza das mulleres nesas épocas iniciais do teatro profesional galego e ao papel dalgunhas das súas figuras máis destacadas, como Dorotea Bárcena. O documental está dirixido por Tito Asorey e realizado por Jairo Iglesias, e foi promovido dsde a Sección de Artes Escénicas, Musicais e Audiovisuais do CCG. No corpo desta nova podes ver os dous novos episodios.
