O VI Festival Entes Animados chega a 8 concellos da comarca de Ferrol

Os títeres voltan á comarca de Ferrol da man da sexta xeira do festival Entes Animados. Os concellos de Ares, Cabanas, Fene, Ferrol, Narón, Miño, Neda e Valdoviño acollen entre os días 20 e 28 de setembro as actuación deste programa, que reúne seis compañías internacionais.

Caricata Teatro (España/Portugal), Drew Colby, Shadowgrapher (Inglaterra), Fábio Superbi (Brasil), Fio d´Azeite (Portugal), Historioscopio (Portugal) e Rui Sousa (Portugal) compoñen o cartel desta edición, e achegarán un total de 20 funcións de balde. As funcións, de pequeno e mediano formato, desenvólvense en colexios e centros cívicos das diferentes localidades.

Segundo sinala o director artístico do festival, Plamen Dipchikov, o evento "representa unha celebración da diversidade teatral titiriteira e a unión de diferentes culturas a través da arte".