Segundo recolle o fallo do galardón, o autor consegue no seu traballo "transmitir, desde a emoción e a homenaxe, a relevancia que as persoas maiores teñen na comunidade, e o moito que poden achegar ás xeracións novas". Para o xurado, Vilar explora a cuestión "dende o cotián, desde os sentimentos, reparando en persoas que están ao noso arredor e moitas veces pasan case inadvertidas".
Deste xeito, "o autor fai un exercicio de recoñecemento, de homenaxe, a unha muller coa que cadra no fin da súa vida, mais que fica na memoria tempo despois da súa morte. O artigo fai asà protagonista a unha muller de máis de noventa anos, coa que a voz que relata non ten relación familiar, mais deixa pegada imborrable na súa vida e a dos seus".
Ramón Rozas, Ramón Nicolás, a xornalista Carme Vidal e a coordinadora do premio, Carme Carreiro, compuxeron o comité de selección do premio. O gañador recibirá o galardón nun acto que se desenvolverá o vindeiro 23 de maio no Concello de Fornelos de Montes.
