Mario Regueira faise co Premio Lueiro Rey de xornalismo

O escritor Mario Regueira (Ferrol, 1979) ven de ser recoñecido como gañador da terceira edición do Premio de Xornalismo Manuel Lueiro Rey, convocado polo Concello de Fornelos de Montes. Así o informa o xornal electrónico Sermos Galiza, do que Regueira é colaborador. A convocatoria pedía artigos inéditos e enfocados cara a denuncia social, o artigo Matar o recadeiro, que Sermos Galiza reproduce íntegro é o texto polo que o xurado premiou a o escritor. Esta é a segunda vez que Regueira recolle un Premio Manuel Lueiro Rey, xa que no ano 2011 foi premiado tamén con este galardón pero na categoría de novela curta que convoca o Concello do Grove. O premio de xornalismo ten unha dotación de 1.000 euros.