O xacemento arqueolóxico da Lanzada será obxecto dunha reactivación neste ano, da man da Deputación de Pontevedra, quen investirá 390.000 euros en diferentes accións. Asà o manifestou o presidente da Deputación de Pontevedra, Luis López, nunha visita efectuada onte ao sitio arqueolóxico. Por unha banda, ampliarse cara o leste e norte a zona escavada nos últimos anos, e nas que apareceron estruturas e restos de gran interese para diferentes etapas históricas de Galicia. Por outra, vanse realizar prospeccións xeomagnéticas na contorna da capela da Lanzada, para coñecer que tipo de vestixios arqueolóxicos potenciais se atopan na zona na que tamén estarÃa situado o castelo medieval. E, por outra, vanse consolidar e musealizar as últimas estruturas arqueolóxicas atopadas. Isto contemplarase con outras accións de protección. Vaise anular un treito de acceso do viario sur á ermida para protexer o xacemento e tamén se vai pedir á Dirección Xeral de Patrimonio da Xunta a ampliación da delimitación BIC, ata o momento establecida unicamente para a capela e a torre que se conserva.
A Deputación de Pontevedra recuperará as escavacións na Lanzada
Investirá 390.000 en investigación, restauracións e postas en valor
![Investirá 390.000 en investigación, restauracións e postas en valor](http://www.culturagalega.org/imaxes/edicion/not_36343.jpg)