O TSXG paraliza cautelarmente parques eólicos por achados arqueolóxicos

O Tribunal Superior de Xustiza de Galicia adoptou medidas cautelares na construción dos polígonos do Acibal (Barro, Campo Lameiro, Moraña) e Castro Valente debido á aparicion de restos arqueolóxicos. No caso do Acibal, suspendeuse a execución da resolución da Xunta que lle outorgaba á empresa Norventa o permiso de construción do parque debido a que as actuacións "afectan aos hábitats de interese comunitario e de especies catalogadas situadas no humidal das Brañas de Amil, así como nos petróglifos alí situados, ao igual que no monte Acibal e no curro de Amil". Tamén o pasado 24 de abril de 2024 fíxose pública a suspensión cautelar do parque eólico de Castro Valente (A Estrada) ante o risco de afección ao xacemento arqueolóxico e a súa paisaxe.