Primeiro número de Xeración Alfa. Foto: Nós diario
Sermos Galiza, a editora do xornal Nós Diario promove Xeración Alfa, unha "revista cultural impresa en galego para público mozo". A revista publicarase todos os martes deste mes de maio co apoio do concello de Pontevedra. As temáticas tratadas serán moi variadas, sempre desde a óptica dun público novo, entre os que se tocará a música, os podcasts, os libros, deporte ou videoxogos, así como reportaxes sobre formación, o fenómeno neofalante e vídeos complementarios. A revista disporá de 16 páxinas, distribuirase de xeito conxunto con Nós Diario.
