Apoiar o hábito de ler é cousa de todos. Como para o demostrar, temos hoxe a nova de dúas campañas de animación á lectura que xorden doutras tantas entidades privadas. Por unha banda, Edicións Xerais presentaba onte na Coruña "Lobos de mentira", unha comedia teatral de Manuel Lourenzo que se representará en 150 centros de primaria de todo o país como parte da campaña desta editora para promocionar o libro. Pola outra, a revista "O ollo público" iniciou a súa propia proposta co reparto de postais coas que quere animar a recomendar libros.
Máis información en El País e en Diario de Ferrol; o noso tema sobre a Lei do Libro
