Antonio Palacios
"A condición de Palacios como gran figura protagonista na renovación do panorama da arquitectura española do primeiro tercio do século XX motiva a organización deste simposio", explican desde a organización ao redor do encontro "Antonio Palacios. Obra y legado" que se celebrará no Museo de Pontevedra este xoves 4 e venres 5 de abril, cunha saída adicional o sábado para visitar diferentes proxectos do arquitecto porriñés no sur de Galicia. Trátase de achegar "diferentes visións actualizadas de expertos na obra de Antonio Palacios". No programa estudarase o legado do arquitecto, tanto na súa obra como nos seus discípulos, o contexto e as influencias da súa arquitectura ou o desenvolvemento de proxectos concretos, entre outros temas. O simposio está organizado polo Museo de Pontevedra e o grupo de investigación IDEAHS (GI-1510) da Universidade de Santiago de Compostela.
