O CEIP Sada y sus Contornos e o IES Isaac Díaz Pardo de Sada acollían este 27 de febreiro a presentación da Primavera das Letras. O programa escolar que a Real Academia Galega promove arredor do Día da Letras Galegas ten como eixe un web que presenta diferentes materiais para se achegar a Luísa Villalta, autora homenaxeada nesta edición.
No marco desta iniciativa, o conto Violino, Inglesa e o libro xigante. Pequena biografía de Luísa Villalta escrito por Ana María Fernández e Xoán Babarro e ilustrado por Óscar Villán, permite achegarse ao público máis novo á figura da escritora e música. A isto súmanse ligazóns, vídeos, actividades interactivas, fichas para dar cor e outros contidos que se irán ampliando.
Entre estes, a RAG anuncia unha serie de entrevistas con nomes da literatura infantil e xuvenil galega na que explican como se iniciaron na lectura, o primeiro dos cales estará protagonizado por Paco Martín.
Entre estes, a RAG anuncia unha serie de entrevistas con nomes da literatura infantil e xuvenil galega na que explican como se iniciaron na lectura, o primeiro dos cales estará protagonizado por Paco Martín.
