A RAG presenta a Primavera das Letras de María Victoria Moreno

A seguir o modelo dos últimos anos, a Real Academia Galega presentaba esta mañá o web do proxecto Primavera das Letras dedicado a María Victoria Moreno. A iniciativa, orientada ao público escolar, achega unha biografía da autora, contidos interactivos e descargables para o seu emprego nas aulas e o xa habitual certame que premiará os mellores traballos de dinamización arredor da figura homenaxeada no Día das Letras Galegas deste ano, así como unha listaxe de recursos na rede sobre a autora. O CEP Marcos da Portela de Pontevedra acollía esta mañá a presentación do proxecto coa presenza da directora do colexio, Alicia Martínez; o presidente da RAG, Víctor F. Freixanes; e a académica Fina Casalderrey.