Cuberta da revista CROA
O Museo de Viladonga publicou o número 33 do seu histórico boletín Croa, no que anualmente se recollen traballos históricos, arqueolóxicos e etnográficos vinculados coa provincia de Lugo. Desta volta, o Museo tamén recorda os 40 anos desde a súa creación en 1983. Entre os contidos, destaca a catalogación da indumentaria civil e militar presente no castro a través de diferentes obxectos metálicos, como fibelas ou broches, a cargo de Álvaro Pérez Rozas, ou un estudo sobre un peine textil de ferro tamén do xacemento, escrito por Miriam Fernández Otero. A maiores, o colectivo romanarmy publica un conxunto de xacementos militares romanos localizados na provincia de Lugo e que incrementan de xeito notable o catálogo da presenza militar en territorio galego, nun texto liderado por Andrés Menéndez.
