Lois Patiño. Cuerpo de mar, 2018 Foto: Fundación L. Seoane
'Marea' é o título da mostra que comeza hoxe na Fundación Luis Seoane da Coruña, centrada no traballo audiovisual do realizador Lois Patiño. A exposición comisariada por Alberto Carton preséntase como "unha vertebración alterada do espazo-tempo, unha suspensión narrativa" sobre as obras do director.
A exposición xira ao redor de dúas pezas: Hadal, unha instalación composta por un vídeo, dúas videoinstalacións e unha instalación lumínica; e a curtametraxe experimental 'El sembrador de estrellas', de Patiño, gravada en Tokio en 2022. Segundo explica a presentación, "Marea, coas súas dúas beiras, incita ao desprazamento, á pausa e a un deslizamento do tempo en devir do seu agora". A exposición poderá verse ata o 4 de abril e despois viaxará ao Centro Torrente Ballester de Ferrol a partir do mes de maio. En paralelo, os días 27, 28 e 29 de febreiro, a Filmoteca de Galicia dedicará un ciclo á obra cinematográfica do realizador galego que complementará e ampliará os contidos da mostra.
