Ferrol abrirá un arqueódromo para estudantes de Primaria

A Cátedra de Arqueoloxía e Educación Patrimonial da Universidade da Coruña e o concello de Ferrol inaugurará o vindeiro 26 de xaneiro un 'arqueódromo' estable no Centro Cultural Torrente Ballester da cidade departamental. Está orientado a que escolares de primaria coñezan a metodoloxía do traballo arqueolóxio a partir dun gran caixón de area con diferentes niveis arqueolóxicos desde a Idade do Ferro ata época romana. O arqueódromo incluirá tamén obradoiros de escritura mesopotámica e estará ao cargo da museóloga Lucía Brage. O arquódromo foi deseñado pola empresa Xeitura e xa é posible que os centros educativos reserven praza na experiencia.