Gañador e finalista do premio durante o acto de entrega. Fonte: Facebook do Concello de Negreira
O auditorio Afonso Eanes do Cotón, en Negreira, acollía na tarde deste 20 de decembro o acto de entrega do XII Certame de Poesía Xosé M. López Ardeiro, que convoca este concello. Francisco Javier Fernández Davila foi gañador desta xeira do premio, dotado con 2.500 euros e a publicación da obra, polo seu poemario Palabras mortas.
Canda a el, foi finalista no certame Francisco Vila Díaz coa obra Estanque de tormentas, que lle valeu un premio de 500 euros. O xurado do certame estivo integrado por José Antonio Ponte Far, María Rey, Xulio López Valcárcel, María López Sández e Diana Varela.
