Brais Lamela faise co premio Ojo Crítico de Narrativa

A trixésimo cuarta edición dos Premios Ojo Crítico, cos que Radio Nacional de España recoñece talentos de persoas de menos de 40 anos, conta cun galego no seu palmarés. Brais Lamela obtivo o galardón na modalidade de Narrativa pola súa obra Ninguén queda, publicada en castelán pola editorial Cuatro Lunas e en galego por Euseino?.

O fallo do xurado cualifica a obra como "unha primeira novela sorprendente" na que o autor "recupera a memoria dos que o perderon todo". Lamela "olla o exilio e o desarraigo desde ópticas e tempos distintos e converte este libro nunha crónica transxeracional". Segundo o comité de selección esta "é unha novela luminosa e chea de amor que ocupa os baleiros mediante a palabra".

O crítico Josep Maria Nadal Suau, a libreira Lola Larumbe, o escritor José Ovejero, a gañadora do galardón en 2022 Laura Chivite, o tamén autor Use Lahoz, a xornalista Susana Santaolalla e a xefa da área de cultura de Radio Nacional e directora de El Ojo Crítico Laura Barrachina foron responsables da selección.

Lamela xa obtivera o Premio da Crítica Española por esta mesma obra o pasado mes de maio de 2023.