O pazo da Raposeira, en Sárdoma (Vigo) poderá estar restaurado no vindeiro verán. O investimento por parte do Estado de 1.850.000 euros, dos cales un 80% procede de fondos europeos abordará unha recuperación completa deste edificio que foi fundado en 1625. As obras mellorarán a evolvente térmica, darán nova estrutura na cuberta e sanearán o granito. Ao tempo, recuperaranse os edificios auxiliares da zona exterior e o estanque. O edificio fora residencia de familias destacadas do sur de Galicia como os Araúxo, Arce ou Montenegro, e é de titularidade do concello de Vigo. O prazo previsto para o remate das obras é en setembro do vindeiro ano.
