A partir do descoñecemento persoal da poeta, que morreu cando o director tiña só 5 anos, Arias establece, "un diálogo coa ausencia, unha viaxe polos camiños da memoria. Unha carta entre o presente e o pasado". Na presentación da obra, o director pregúntase "Como podes amar a alguén que non coñeces? Que parte do que somos provén de imaxes que non temos? Canto hai de persoa nos recordos que quedan sobre ela?".
A produción combina interpretacións de Melania Cruz, Sheyla Fariña e Lidia Veiga con testemuños de familiares, amigos e persoas que traballaron coa protagonista. As entradas para a estrea puxéronse á venda o pasado dÃa 7 e esgotáronse en horas.
