Fotograma de O castro das Rodeiras
O concello de Forcarei publicou un documental sobre o castro das Rodeiras, ou das Garellas, localizado na parroquia de Millarada (Forcarei). O castro, de propiedade municipal, está a ser obxecto dun proceso de recuperación dentro dal cal se publicou este documental elaborado por A Citania e realizado por Lukas Santiago. Na peza os veciños lembran o uso do castro como campo de fútbol, no que a croa do castro empregábase como zona de xogo e os parapetos como gradas para acoller toda a veciñanza, así como a memoria das buscas de tesouros, e das lendas do xacemento.
