Estación da Revolta da Camposa. Foto: Colectivo A Rula
Dous veciños da parroquia de Santa María de Regueira, Bruno Prada e Santiago Seoane, localizaron varios conxuntos de petróglifos nas inmediacións dos lugares do Freixo, Mundín, Penabelá e A Campiña. Os achados conseguiron modificar o plan do Parque Eólico Seselle, promovido por Galenergy e Greenalia, co recoñecemento de cinco das estacións por parte da Administración autonómica. Pero o espazo, recoñecido e estudado polo Colectivo A Rula, rematou coa localización doutras cinco máis. Os motivos representados corresponden ao considerado como 'grupo xeométrico', no que sobrancean as combinacións circulares, e a preferencia por localizalos en penedos que sobrancean na paisaxe e de dimensións superiores os dous metros. "Dada a importancia das descubertas", indican desde o colectivo A Rula, "tamén debera servir para promover a prospección minuciosa dunha zona que está a amosar unha destacada concentración de xaceentos rupestres".
