A poeta Yolanda Castaño.
O xurado dos Premios da Cultura galega 2023 resolveu hoxe pola mañá os recoñecementos correspondentes a esta edición. Na categoría de letras, o recoñecemento foi para a poeta e xestora cultural Yolanda Castaño, en Artes Visuais, o Museo do Gravado á Estampa Dixital. Nas Artes Escénicas, para PistaCatro. En Música, para a Banda de Música Unión de Guláns. En Audiovisual, Portocabo. Na categoría de Lingua, Ponte...nas Ondas!. No sector do Patrimonio cultural, Eduardo Pardo de Guevara e na Proxección Exterior, os cursos de verán Galego sen fronteiras. Cos galardóns, a Xunta "distingue a excelencia creativa, a capacidade de intercambio, a experimentación e a proxección do panorama cultural" do país.
