A Xunta restaura dúas capelas da Catedral de Santiago

As capelas do Salvador e de San Bartolomé, na xirola da Catedral de Santiago, están en obras. Os traballos de restauración que a Xunta de Galicia financia con 250.000 euros pretenden restaurar as pinturas murais e os retablos destes espazos, así como facer un estudo da policromía da tribuna da xirola e dos relevos pétreos achados durante as actuacións arqueolóxicas realizadas na zona da cripta. As obras, que se prevé estean finalizadas no primeiro trimestre de 2024 fan parte do Plan Catedrais, que conta cun orzamento de 36 millóns de euros.