O teatro, o jazz, as actividades infantís e a figura de Castelao conforman a programación cultural de Pontevedra para o que resta do ano. Dentro da axenda, os escolares son obxecto dunha especial atención, con obras de teatro en horario lectivo e visitas guiadas polos roteiros Castelao.,
Teatro para grandes
Dentro da programación teatral destinada princiapalmente a adultos, o Teatro Principal acollerá a representación de O lapis do carpinteiro, montaxe do grupo Sarabela teatro sobre a novela de Manolo Rivas. Ademais, o dúo humorístico Mofa e Befa, realizará o seu espectáculo Finis Mundi Circus, e a compañía Teatro do Atlântico de A Coruña. Segundo espuxo o concelleiro de Cultura, Luis Bará, este ciclo pretende incentivar o establecemento de compañías de teatro galegas e en galego.
E para pequenos
Os nenos terán tamén a súa ración de teatro, co ciclo "Domingos no Principal" que pretende achegar as familias ó teatro nos festivos. Ademais, representaranse obras en horario lectivo dirixido ós centros educativos, ás que se agarda que acodan un 1.500 nenos. Entre o día cinco de novembro e o dez de decembro representaranse obras coma Cousas que foron, ¿Que pasa na praza? ou Pinocho. Os amantes do libro infantil e xuvenil poderán gozar o Salón do Libro deste tipo entre o 10 e o 17 de novembro.
Jazz e Castelao
A música que soará en Pontevedra nos próximos meses será o jazz. O Concello prevé a realización dun ciclo deste xénero despois do éxito dos festivais veraniegos. Grupos de ámbito internacional, aínda sen concretar, actuarán entre os dous e o cinco de decembro. Castelao será homenaxado con dúas representacións teatrais baseadas nas súas obras Cousas e Os vellos on deben namorarse a cargo de actores da Aula de Teatro Municipal. A difusión dos roteiros Castelao realizarase mediante visitas guiadas para alumnos de toda Galicia, ás que xa se apuntaron nove colexios.
